26 апрель көнне Казанның Г.Тукай исемендәге скверында күренекле татар шагыйрен искә алдылар. Чара Габдулла Тукайның туган көненә туры килде. Бүген татар классигының тууына - 131 ел. Безнең гимназиябезнең 8а һәм 8в сыйныфы укучылары (сыйныф җитәкчеләре Галиева Г.Р., Сабирҗанова Л.Х.) әлеге тантанада катнаштылар. Укучыларыбыз республика телеканалларына интервью бирделәр һәм бөек шагыйребезнең шигырьләрен сөйләделәр.