25 мартта 5нче сыйныф укучылары Муса Җәлил музей-квартирасына сәяхәт кылдылар. Алар анда "Ялкын” журналы хезмәткәрләре белән очраштылар. Моның берничә сәбәбе бар, беренчедән, Муса Җәлил журналны оештыручыларның берсе булган. Аның тырышлыгы белән 1924 елда Мәскәүдә татар-башкорт балалары өчен әдәби-нәфис журнал буларак "Кечкенә иптәшләр” дип исемләнгән басма дөнья күрә. Икенче сәбәбе: быел "Ялкын” журналы Муса Җәлил премиясенә лаек булган.
Укучылар журналның эшчәнлеге белән таныштылар, төрле бәйгеләрдә үзләрен сынап карадылар. Бу очрашу укучылар күңелендә матур хисләр калдырды.
